Sinalubong ng daan-daang residente ng Datu Salibo sa Maguindanao ang bagong taon sa mga kalsada, evacuation centers at kani-kanilang mga ka-anak sa ibang bayan.
Ito’y makaraang magka-engkuwentro ang Militar at ang Bangsamoro Islamic Freedom Fighters o BIFF sa mismong bisperas ng bagong taon.
Ayon kay Col. Felicisimo Budiongan, Commander ng First Mechanized Brigade ng Philippine Army, sinasabing ganti ito ng BIFF dahil sa pagkasawi ng isa nilang mataas na opisyal sa bakbakan.
Kinailangan nila ang tulong ng 2 attack helicopter ng air force dahil sa dami ng mga bandido.
Maliban aniya sa Datu Salibo, inatake rin ng BIFF ang mga military detachment sa mga bayan ng Pigcayawan at Midsayap sa North Cotabato.
By: Jaymark Dagala
