Umaasa pa rin ang mayorya ng mga Pilipino na magiging masaya ang kanilang Pasko.
Batay sa pinakahuling survey ng Social Weather Stations o SWS, lumalabas na 7 sa bawat 10 Pinoy o katumbas ng 73 porsyento ang umaasa ng masayang Kapaskuhan.
Mas mataas ito kumpara sa 72 percent noong 2015.
Limang porsyento lamang ang nagsasabing malungkot ang kanilang Pasko habang 21 porsyento ng mga Pinoy ang nagsabing hindi masaya at hindi rin naman malungkot ang kanilang Pasko.
Ang survey ay ginawa noong Disyembre 3 hanggang 6 sa may 1,500 respondents.
By Ralph Obina
