Haharangin ng Catholic Bishops Conference of the Philippines ang muling pagpapanumbalik sa parusang kamatayan sa bansa.
Sinabi sa DWIZ ni retired Lingayen-Dagupan Archbishop Oscar Cruz na nagpalabas na ng pahayag ang CBCP at magiging aktibo sila sa susunod na taon para hindi matuloy ang pagbabalik ng death penalty.
Wala aniya sa lugar at wala sa wastong katwiran na kitilin ng tao ang buhay ng mga nagkasala.
Sinabi pa ni Cruz na laban sa utos ng Diyos ang pumatay ng kapwa kayat umaasa silang hindi makalusot ang hakbang ng kongreso .
By: Aileen Taliping
