Handang imbestigahan ng Senado ang umano’y talamak na korupsyon sa Energy Regulatory Commission (ERC) kasunod ng pagpapakamatay ni ERC Director Francisco Villa Jr.
Ayon kay Senator Win Gatchalian, bubusisiin ng panel ang papel ng ERC sa pagkakabuo ng Electric Power Industry Reform Act para sa mga isusulong na pagbabago rito upang maprotektahan ang interes ng power sector, lalo na ang mga consumers.
Taliwas sa ipinanawagan ni Pangulong Rodrigo Duterte, hindi pabor si Senate Minority Leader Ralph Recto sa ideyang buwagin ang ERC dahil mahalaga aniya ang mandato ng ahensya sa industriya.
Ngunit, sang-ayon naman si Recto na palitan lahat ng mga namumuno rito at ikasa ang mga pagbabago sa mga serbisyo ng ahensya.
By Jelbert Perdez
