Nakatakdang kasuhan ng Department of Justice sina Sen. Gringo Honasan, TESDA Sec. Joel Villanueva at Cagayan De Oro Rep. Rufus Rodriguez bilang bahagi ng 3rd batch ng pork barrel scam cases.
Ayon kay Justice USec. Jose Justiniano, anim pang kasalukuyan at dating kongresista ang mahaharap sa graft at malversation charges habang walang kakasuhan ng plunder dahil ang mga halaga ng mga tinangay umanong pondo ay hindi umabot o lumampas sa P50 million.
Bukod, aniya, kina Villanueva at Rodriguez, ilan pa sa mga kasama sa 3rd batch ay kaalyado ni Pangulong Noynoy Aquino.
Nilinaw naman ni Justiniano na wala silang ibinawas o idinagdag na pangalan sa ikatlong bugso ng mga kakasuhan kaugnay sa pork barrel scam.
By Drew Nacino
