Inilibing na ang ilan sa labing-apat na biktima ng Davao City Bombing, kanina.
Kabilang sa mga inihatid sa huling hantungan sa Tagum memorial park ang trenta’y sais anyos na si Christian Denver Reyes.
Dumalo sa memorial service ang kanyang asawang si Joana Reyes na kabilang naman sa nasugatan sa pambobomba sa Roxas night market.
Babalik pa ng ospital si Joana upang sumailalim sa panibagong operasyon sa kanyang kaliwang hita.
Inihimlay na rin ang labi ng isa pang biktimang si Evelyn Sobrecarey kahapon habang ngayong hapon ililibing si Salvador Nagal sa Davao memorial park.
Sinagot ng Davao city government ang gastos sa pagpapagamot at pagpapalibing sa lahat ng biktima ng pambobomba.
By: Drew Nacino
