Pansamantalang isinara sa publiko ang museleo ni dating Pangulong Ferdinand Marcos sa Batac, Ilocos Norte.
Ito’y makaraang kumpirmahin ng tagapag-ingat ng nasabing museleo na inilipat na sa isang kabaong na yari sa tanso ang labi ng dating Pangulo.
Ayon sa report, isasailalim sa pagsasaayos ang nasabing museleo bilang paghahanda sa nakatakdang paghihimlay sa dating pangulo sa Libingan ng mga Bayani.
Maliban dito, isinasaayos na rin ang ilang simbahan tulad ng Sta. Monica Church sa Sarat, Paoay Church at ang St. Williams Cathedral sa Laoag kung saan ibuburol si Marcos bago tuluyang dalhin sa Maynila para ilibing.
By Jaymark Dagala
