Itinanggi ni Calinog Iloilo Mayor Alex Centena ang akusasyong may kinalaman ito sa iligal na droga.
Aniya, handa itong bumaba sa pwesto sa oras na mapatunayan ang alegasyon.
Gayunpaman, inamin ni Centena na minsan siyang binisita ng isa sa itinuturong drug lord sa Iloilo na si Boyet Odicta.
Ngunit tungkol lamang, aniya, sa pagbili ng oso at baboy ramo ang naging transaksyon sa pagitan nila.
Kaugnay dito, Pinasinungalingan ni Maasin, Iloilo Mayor Mariano Malones ang umano’y kinalaman nito sa iligal na droga.
Ayon sa alkalde, posibleng napagkamalan lamang ito ni Pangulong Rodrigo Duterte na una nang nagsapubliko ng listahan ng umano’y narco politicians.
Sinabi ni Malones na nakahanda siyang makipag-usap sa Duterte Administration upang malinis ang kanyang pangalan.
Napag-alaman na maliban kay Malones, napasama rin sa listahan ang bise alkalde nito na si Francis Amboy.
By: Avee Devierte
