Palalayasin na mamayang hapon ni Philippine National Police (PNP) Chief Director General Ronald ‘Bato’ dela Rosa si Albuera Mayor Rolando Espinosa at pamilya sa White House ng PNP.
Sinabi ni dela Rosa na ito ay kung hindi magkakaroon ng development sa sinasabing pagsuko sa anak ni Espinosa na si Kerwin na itinuturong bigtime drug lord sa Eastern Visayas.
Kasabay nito nagpaliwanag din sa media si Bato sa pagpapatira sa nakatatandang Espinosa at pamilya nito sa White House ng PNP.
Iginiit ni dela Rosa na hindi ito isang uri ng special treatment bagkus ay pagpapakita aniya kay Kerwin na hindi sila gumagamit ng dahas para sa pagsuko nito.
Matatandaang natatakot umuwi sa kanilang tahanan sa Leyte ang pamilya Espinosa dahil sa panganib umano sa kanilang buhay matapos amining drug lord ang kanilang anak na si Kerwin.
Bahagi ng pahayag ni PNP Chief Ronald ‘Bato’ dela Rosa
By Ralph Obina | Jonathan Andal (Patrol 31)
