Umalma ang mga delagado ng China sa anila’y hindi maayos na paghahanda ng mga organizer ng 2016 Rio de Janeiro Olympics.
Ayon sa mga atletang Tsino, hindi maganda ang accommodation maging ang transportation schedules.
Ikinuwento rin ng Chinese Hurdler na si Shi Dongpeng na ninakaw ang kanyang bagahe nang mabaling ang atension niya sa isang lalaking nagsuka sa kanya.
Sa isang CCTV footage, nakitang sinadya na mabaling talaga ang atensyon ni Shi upang manakawan siya.
Maliban dito, nagpost din ang Team China sa sina Weibo – ang kanilang bersyon ng twitter – ng tungkol sa mga sira at hindi maayos na pasilidad, pati na rin ang kawalan ng kuryente at tubig.
Magsisimula na ang Rio Olympics sa isang araw.
By: Avee Devierte
