Unti-unting pagliit ng populasyon ikinababahala na ng Japan

Ikinaalarma na ng Japan ang unti-unting pagliit ng kanilang populasyon sa nakalipas na pitong taon.

Nasa 127 million na ang populasyon ng Japan ngayong taon kumpara sa 128.1 million noong 2010.

Simula noong 1997 hanggang kasalukuyang taon o sa loob ng dalawang dekada, mahigit isang milyon lamang ang nadagdag sa bilang ng mga mamamayan.

Ayon sa Japanese government, ang kawalan ng sex at labis na pagtutok sa trabaho ang sanhi ng hindi gumagalaw na populasyon kasabay ng pagtaas ng bilang ng mga “senior citizen.”

Tinatamad na rin ang mga mamamayan lalo ang mga edad 18 hanggang 34 na makipag-date o makipag-relasyon at higit sa lahat halos kalahati ng bilang ng nasabing age bracket ay nananatiling birhen o hindi pa nakikipagtalik.

Dahil dito, naglatag na ng mga hakbang ang gobyerno upang maresolba ang problema sa populasyon.

By  Drew Nacino

Comments

comments