Tuluyan nang maipo-posisyon sa kalawakan ang kauna-unahang micro-satellite ng Pilipinas.
Ayon kay Department of Science and Technology (DOST) Executive Director Dr. Carlos Primo, ang Diwata 1 ay isang weather satellite na magbabantay sa ruta ng mga bagyo at mag sasagawa ng surveillance sa teritoryo ng bansa.
Kaya rin nitong kumuha ng larawan ng mga lugar na tatamaan ng trahedya.
Kasing laki ng isang balikbayan box ang Diwata 1, may bigat na 50 kilo at nagkakahalaga ng P500 milyong piso.
Ginawa ang naturang satellite ng mga scientist mula sa University of the Philippines (UP) na nagpakadalubhasa pa sa Japan.
Papakawalan sa outer space ang Diwata 1 sa buwan ng Abril.
By Rianne Briones