Nakukulangan ang Trade Union Congress of the Philippines o TUCP sa dagdag sahod para sa mga kasambahay sa National Capital Region o NCR.
Matatandaang nitong December 15 ay itinaas sa 3,500 pesos ang mimimum wage ng mga kasambahay sa NCR mula sa 2,500 pesos.
Sakop ng umento sa sahod ang lahat ng domestic workers, stay-in man o kahit hindi nakatira sa bahay, kabilang ang cook, yaya, hardinero, labandera at household staff.
Panukala ng TUCP na itaaas hanggang P5,000 ang minimum wage ng mga kasambahay.
Paliwanag ng TUCP, maliit pa rin ang dagdag na P1,000 sa kanilang sahod dahil hindi rin aniya ito makakasabay sa inaasahang pagtaas ng mga bilihin sa oras na maisabatas ang Tax Reform for Acceleration and Inclusion o TRAIN bill.
—-