Nanawagan ang mga tinaguriang green groups para sa isang trash less traslacion o prusisyon ng Itim na Nazareno sa January 9.
Sa kanilang isinagawang programa at parade, isinulong ng Ecowaste Coalition, Buklod Tao at Green Brigade Committee na nakabase sa Quiapo Church na maging malinis ang dadaanang ruta ng Nazareno.
Umapela ang zero waste campaigner na si Daniel Alejandre sa mga devotee na huwag magkalat, manigarilyo, dumura at umihi sa kung saan-saan sa mismong araw ng prusisyon.
Kabilang aniya sa mga nakukuhang basura ay plastic bags, stick at mga tirang pagkain na maaaring bumara sa mga daluyan ng tubig sa Maynila.
Magugunitang halos 70 tonelada ng basura ang nakuha ng Metropolitan manila Development Authority o MMDA matapos ang traslacion o mula Enero 9 hangggang umaga pa lamang ng Enero 10 noong nakalipas na taon.
—-