Tumangging magbigay ng pahayag ang mag-asawang sina Senator Tito Sotto at aktres na si Helen Gamboa hinggil sa umano’y paghihiwalay ng kanilang anak na si Ciara Sotto at ang negosyanteng asawa nito na si Jojo Oconer.
Ito’y kahit pa kinumpirma nila na umuwi na nga sa kanila ang anak kasama ang kanilang mag-iisang taong gulang pa lamang na apo na si Baby Crixus.
Ayon sa senador, ipinauubaya nila kay Ciara kung ano lang ang gusto nitong iparating sa publiko tungkol sa pinagdadaanang problema sa married life.
Ang pakiusap lang nila ay igalang muna ang kahilingan ng kanilang anak na katahimikan at gawing pribado ang desisyon niyang pakikipaghiwalay.
Una rito, deny nor confirm si Ciara kung pinagtaksilan ba siya ng mister bagama’t naniniwala raw siya na magiging mas matibay sa anumang pinagdadaanan sa mga nakalipas na linggo.
Taong 2010 nang ikasal sina Ciara at Jojo matapos ang halos isang taong pagiging engaged.
By Arianne Palma
*Photo credit: gmanetwork
