Sisimulan na ng Department of Health (DOH) sa susunod na linggo ang pagsisiyasat at pagsusuri sa mga pasyenteng hinihinalang mayroong zika virus sa buong bansa.
Ayon kay Health Secretary Janette Garin, binubuo ito ng anim na ospital sa bansa partikular na ang Lung Center of the Philippines, San Lazaro Hospital, Baguio General Hospital, Southern Philippines Medical Center at Vicente Sotto Memorial Medical Center.
Kasabay nito, kinumpirma rin ni Garin na mayroon na silang ipinakalat na 1,000 testing kits sa buong bansa at inaasahang madaragdagan pa ito pagsapit ng susunod na linggo.
Ang Research Institute for Tropical Medicine o RITM ang magsasanay para sa tamang paggamit ng mga testing kits na may kaugnayan naman sa zika virus.
By Jaymark Dagala