Makikipagpulong ang Taiwan at Pilipinas sa susunod na buwan upang resolbahin ang mga isyu hinggil sa overlapping economic waters ng dalawang bansa.
Ayon kay Taiwanese Foreign Minister David Lin, inaasahang tatalakayin ang Bilateral Law Enforcement Cooperation kung saan magdedesisyon ang dalawang pamahalaan kung ilang nautical miles mula sa kanilang coastline nagsisimulang maging epektibo ang batas ng bawat bansa.
Sa kasalukuyan, merong ipinapatupad na administative decree ang Pilipinas kung saan iinspeksyunin at posibleng arestuhin ang crew ng anumang foreign vessel na lalayag 24 nautical miles mula sa contiguous zone ng bansa.
Patuloy naman ipinoprotesta ito ng Taiwan dahil sa paniniwalang hanggang 12 nautical miles lang puwedeng manghuli ang Philippine authorities dahil anumang lalampas dito ay kabilang na ng exclusive economic zone nila.
By Kevyn Reyes
