Pinagpipilian na ang ilang heneral ng Armed Forces of the Philippines ( AFP) para maging susunod na hepe nito.
Sa gitna na rin ito nang pagreretiro ni AFP Chief of Staff General Ricardo Visaya sa December 8.
Sinabi ni AFP Public Information Office Chief Marine Col. Edgard Arevalo na ang Board of Generals ang tutukoy sa mga kuwalipikadong maging susunod na AFP chief of staff kapalit ni Visaya.
Pagkatapos nito ay gagawa na ng shortlist ang Board of Generals na isusumite sa Department of National Defense (DND) na siyang pipili nang irerekomenda sa Pangulong Rodrigo Duterte na pinakahuling pipili ng bagong AFP Chief.
By Judith Larino | Jonathan Andal (Patrol 31)
