Posibleng ipasuspinde ng DOLE o Department of Labor and Employment ang pagpapadala ng mga houshold service workers o kasambahay sa mga bansa sa Gitnang Silangan.
Ayon kay Labor Secretary Silvestre Bello III, pinag-aaralan nila ito lalo’t nalalagay aniya sa panganib ang buhay ng mga pilipinong nagtatrabaho sa Middle East.
Pinakikilos din ng kalihim ang mga recruitment agency sa bansa upang matulungan ang mga OFW o Overseas Filipino Workers na kanilang ipinapadala at nahaharap sa parusang bitay.
Magugunitang hinatulan ng bitay ang Pinay OFW na si Jennifer Dalquez ng Al Ain Trial Court sa Dubai noong Mayo dahil sa pagpatay sa kaniyang employer na nagtangkang manghalay sa kaniya.
By Jaymark Dagala |With Report from Aya Yupangco
Photo Credit: CNN Philippines
