Mariing kinondena ni Deputy Speaker Mujiv Hataman ang nangyaring suicide bombing sa barangay Kajatian, Indanan Sulu.
Ayon kay Hataman, hindi makatao ang anomang mga pag atakeng ginagawa ng mga terorista at tiyak na hindi titigil ang mga ito na gumawa ng paraan upang masira ang kapayapaan sa lugar na kanilang pinupuntirya.
Dagdag pa ni Hataman, bagama’t walang nasawi o nasaktang sibilyan sa naturang pagsabog, dapat pa ring maging alerto ang gobyerno at pamahalaan laban sa mga terorista.
Kasabay din nito pinaalalahan ni Hataman ang publiko na manatiling maging mapagmatiyag sa paligid at ireport ang anumang kahina-hinalang tao o aktibidad na mapapansin.
