Pinayagan ng Department of Education (DepEd) ang mga lokal na pamahalaan na gamitin ang kanilang special educaton fund (SEF) para sa pag-iimprenta ng mga self modular learning para sa darating na pasukan.
Ayon kay Education Secretary Leonor Briones, bahagi aniya ng napupunta sa kanilang mga SEF ay nagmumula sa bahagi ng kanilang koleksyon sa real property tax.
Gayunman, sinabi ng kalhim na may susundin pa rin silang mga panuntunan at listahan ng mga gastusin para lang sa edukasyon salig sa Department of Budget at Civil Service.
Ang pondong ito ani Briones ang siya namang gagamitin sa pagbili ng mga printing machine at iba pang gastusin sa paggawa ng self modular learning materials.