Tatargetin ni House Speaker Pantaleon Alvarez mismong ang mga taong nagpapakalat ng mga pekeng balita sa kanilang social media accounts.
Sa kanyang House Bill 5021 o Social Media Regulation Act of 2017, pananagutin maging ang mga social media company gaya ng Facebook, Twitter, at Instagram kapag naipasa ang panukalang batas.
Nais ni Alvarez na obligahin ang mga social media company na tiyakin ang pagkatao ng mga gumagawa ng social media account upang maiwasan ang paglaganap ng mga pekeng account at pekeng impormasyon.
Sinabi ni Alvarez na kumakalat ang mga pekeng balita at maling impormasyon sa social media dahil sa explosion ng online activities.
By: Avee Devierte / Jill Resontoc