Kinatawan mula sa LGBT community.
Ito ayon sa Pangulong Rodrigo Duterte ang nais niyang italaga para maging bahagi ng Presidential Commission for the Urban Poor na aniya’y bubuuin niya matapos buwagin nang sibakin ang lahat ng mga opisyal dito.
Sinabi ng Pangulo na binibigyan niya ng hanggang ikalawang linggo sa susunod na buwan ang LGBT sector para magsulong ng posibleng maging kinatawan nito sa nasabing komisyon dahil nais aniya nilang ipakita ang trabaho ng LGBT community.
Kasabay nito, ipinahayag ng Pangulo ang suporta sa same sex marriage.
Una nang kinumpirma ni Presidential Spokesman Harry Roque ang pagnanais ng Pangulo na maging pinuno ng PCUP si 2009 CNN Hero of the Year Awardee Efren Peñaflorida at pinapahanap na aniya ito ng Pangulo kay Special Assistant to the President Bong Go.
—-
