Nadakip na ang salarin sa pagpatay sa isang miyembro ng all-male dance group na Masculados dos.
Sa bisa ng warrant of arrest, inaresto ng mga alagad ng Quezon city police district si Kristopher Ernie kaninang umaga makaraang manmanan siya ng mga otoridad sa kanyang tahanan sa North Fairview subdivision.
Inaresto rin ang mga kasama ni Ernie na sina Joselito Pangilinan at Reedlani Eclarenal habang nakatakas ang isa nilang kasamahan na si Dennis Franco.
Inilibas ang arrest warrant kay Ernie noong nobyembre kaugnay ng carjacking na ikinamatay ng Masculado dos member na si Marcelo Ozu ong noong Agosto 2015.
Una nang nadakip si Ernie noong setyembre 2015 nang mahulihan siya at tatlong iba pa ng iligal na droga habang nasa loob ng sasakyan ng seaman na si John Arnest Agbayani na nakitang patay sa Tagaytay city ilang araw matapos mapaulat na nawawala kasama ng kanyang sasakyan.
By Avee Devierte