Isinailalim na simula ngayong araw na ito sa complete lockdown ang Rizal Memorial Complex sa Maynila at PhilSports Complex sa Pasig City.
Ayon sa Philippine Sports Commission (PSC), nagpositibo ang isang staff nila sa coronavirus disease 2019 (COVID-19) kaya’t kailangan nilang magsagawa ng disinfection sa dalawang sports complex.
Mag-aabiso na lamang ang PSC kung kailan na uubrang buksan ang Rizal Memorial Complex gayundin ang PhilSports Complex.
