Patuloy ang isinasagawang rescue operations ng mga awtoridad sa labing dalawang (12) teenage soccer players at kanilang coach na limang araw nang na-trap sa loob ng isang kweba sa Thailand.
Batay sa ulat, kasama nang tumutulong sa operasyon ang mga sundalo gayundin ang grupo ng mga professional divers.
Samantala, pahirapan pa rin ang pagpasok ng mga divers sa Tham Luang Nang Non Caves dahil nananatili pa ring mataas ang lebel ng tubig at puno ng putik ang daanan sa nasabing kweba.
Hindi naman nawawalan ng pag-asa ang magulang ng mga nawawalang kabataan na matatagpuan pang buhay ang mga ito.
Sabado nang mapaulat na nawawala ang mga teenage soccer players kasama ang kanilang coach matapos pumasok sa nasabing kweba at abutan pagtaas ng tubig.
—-
