Tiniyak ng pamunuan ng PNP o Philippine National Police na magpapatuloy ang surprise inspection ng tinaguriang “Red Teams” para siguruhing nagta-trabaho ng maayos ang lahat ng pulis sa bansa
Ayon kay PNP Spokesperson Police Chief Supt. John Bulalacao, ang red team ay binubuo ng mga pulis na nanggaling sa PNP National headquarters sa Camp Crame sa Quezon City at sa mga PNP regional offices
Kinakailangan umanong nakasuot ng kumpletong uniporme ang mga kabilang sa red teams at maaaring samahan ng kanilang regional director sa pagsasagawa ng inspeksyon sa mga istasyon
Tiniyak din ni Bulalacao na ang ipatutupad na guidelines at polisiya ng mga regional director sa kanilang gagawing inspeksyon ay walang lalabaging batas
Magugunitang ilang pulis na kabilang ang mga station commanders ang nasibak matapos maaktuhang nag-iinuman at natutulog habang naka duty sa isinigawang surprise inspection
Posted by: Robert Eugenio
