Itinakda na ng Quezon City Regional Trial Court (QCRTC) ang promulgation sa Maguindanao massacre case.
Ipinabatid ni QCRTC Judge Jocelyn Solis Reyes na sa December 19 niya ilalabas ang desisyon sa nasabing kaso.
Ang promulgation ay gaganapin sa Quezon City Jail Annex sa Camp Bagong Diwa sa Taguig City.
Magugunitang nitong Nobyembre dapat naglabas ng hatol si Reyes sa naturang kaso subalit humingi pa ito ng palugit sa Korte Suprema dahil sa dami ng records ng kaso na kinakailangang ireview nya.
