Nagpositibo si Armenian Prime Minister Nikol Pashinyan at ang kanyang pamilya sa nakamamatay na coronavirus disease 2019 (COVID-19).
Ang malungkot na balita, ay inihayag mismo ni Pashinyan sa recorded video na ibinahagi nito online.
Ayon kay Prime Minister Pashinyan, positibo rin sa virus ang kanyang maybahay, at ang apat nilang mga anak.
Sa datos, nakapagtala ang bansang Armenia ng kabuuang 9,492 na kaso ng COVID-19. Habang higit 100 na rito ang nasasawi.
Samantala, tiniyak naman ni Armenian Prime Minister Nikol Pashinyan, na patuloy nitong gagampanan ang tungkulin sa bansa. Ito’y kahit pa lumabas na positibo siya sa virus.
