Tumaas ang presyo ng mga de latang karne tulad luncheon meat, meat loaf, beef loaf at corned beef.
Ayon kay Department of Trade and Industry (DTI) Secretary Ramon Lopez, kanilang naitala ang hindi hihigit sa tatlong pisong (P3) dagdag presyo sa bawat de latang karne bunsod na rin aniya ng pagtaas piso kontra dolyar.
Gayundin aniya ang epekto ng pagtaas sa presyo ng raw materials na ginagamit sa lata o tin plates.
Samantala tiniyak naman ng DTI na walang gaanong naging paggalaw sa presyo ng tinapay, sardinas at iba pang produkto.
Hindi rin gumalaw ang halaga ng kape, bottled water, patis, sabong pampaligo at mga baterya.
—-