Walang dapat ikabahala ang mga residente sa isla ng Boracay sakaling tumaas ang mga insidente ng krimen kasabay ng napipintong pagsasara nito sa Abril 26.
Ayon kay PNP Spokesman C/Supt. John Bulalacao, paiiralin pa rin nila sa isla ang maximum police visibility habang isinasailalim ito sa rehabilitasyon.
Pagmamalaki pa ng PNP, bumaba sa walumpu’t limang porsyento o tatlumpu’t dalawa lamang ang bilang ng krimen sa isla mula sa mahigit dalawandaan nuong Pebrero 3 hanggang Abril 6 nuong isang taon.
Kasabay nito, tiniyak naman ng Police Regional Office 6 na nasa isang batalyon o animnaraang mga pulis ang kanilang ipakakalat sa isla ng boracay para tiyakin ang seguridad at kaayusan duon.
