Suportado nina Italian President Sergio Mattarella at Italian Prime Minister Matteo Renzi ang peace proccess sa Mindanao.
Inihayag ito ng dalawang lider sa ginawang state visit ni Pangulong Benigno Aquino III sa Italya.
Ayon kay PNoy, may partisipasyon ang bansang Italy sa Mindanao trust fund.
Tutulong anya ang nasabing bansa sa Agrarian Development Support Program na mayroon na ngayong 53,000 benepisyaryong pamilya sa Mindanao.
Samantala, pinuri naman ng dalawang lider si Pangulong Aquino dahil sa matagumpay na pagho-host ng APEC Summit sa Maynila at ang diplomatic process na ginagawa ngayon ng Pilipinas kaugnay sa agawan ng teritoryo sa West Philippine Sea.
By Jonathan Andal
