Nakahanda na ang Philippine Coast Guard (PCG) para sa isasagawang halalan bukas, Mayo 13.
Ayon sa Philippine Coast Guard (PCG) Commandant Admiral Elson Hermogino, sinimulan na nila kahapon ang pagtatalaga ng mga tauhan para matiyak ang seguridad at magpatrolya sa mga baybayin sa buong bansa.
Kanila na ring hinigpitan ang seguridad sa mga pantalan kasabay ng pagdagsa ng mga pasaherong uuwi ng probinsiya para makaboto.
Pagtitiyak pa ni Hermogino, nakahanda na rin ang mga tauhan ng PCG para magbigay ayuda sa Armed Forces of the Philippines (AFP) at Philippine National Police (PNP) para sa isang maayos at payapang halalan.
