Pinaghahandaan na ng Philippine National Police (PNP) ang gagawing paggawad ng parangal sa SAF 44 sa anibersaryo ng Mamasapano incident sa Enero 25.
Ayon kay PNP Chief Dir. Gen. Ricardo Marquez, 42 sa SAF 44 ay makakatanggap ng ikalawang pinakamataas na parangal, ang distinguished conduct medal o medalya ng kabayanihan kabilang na rito ang team leader ng team exodus na si Supt. Raymund Train.
Hinihintay pa rin ng PNP na aprubahan ni Pangulong Noynoy Aquino ang inirekomendang pinakamataas na parangal o medal of valor para kina PO2 Romeo Cempron at Senior Inspector Gednat Tabdi.
Umaasa naman si Marquez na makakadalo ang lahat ng mga kaanak ng SAF 44 sa Lunes lalo na ang mga nakaligtas na miyembro ng PNP-Special Action Force.
By Jelbert Perdez | Jonathan Andal
