Pinayuhan ng isang mambabatas si Pangulong Rodrigo Duterte na huwag munang ituloy ang nakatakda sanang biyahe nito sa bansang Kuwait.
Ito’y sa harap ng inihaing diplomatic protest ng Kuwaiti Government laban sa Pilipinas dahil sa mga mapanirang pahayag ni Philippine Ambassador to Kuwait Rene Villa laban sa naturang bansa.
Ayon kay ACTS OFW Partylist Rep. John Bertiz, dapat ipakita ng Pilipinas ang pagsuporta nito kay Villa na nagtatanggol at nangangalaga sa kapakanan ng mga pilipinong nakararanas ng pang-aabuso sa Kuwait.
Dahil dito, kailangang maresolba muna ang isyu kay Villa bago itulak ang pagtungo doon ng pangulo para saksihan ang nakatakdang paglalagda sa memorandum of understanding sa pagitan ng dalawang bansa.