Iginiit ni Pangulong Rodrigo Duterte na walang dahilan upang magdeklara siya ng Martial Law sa kabila ng banta ng mga teroristang grupo.
Sa pagharap sa Autonomous Region in Muslim Mindanao (ARMM) local government summit sa Davao City, inihayag ni Pangulong Duterte na hindi solusyon ang pagdedeklara ng batas militar sa gitna ng mga aktibidad ng grupong Maute sa Butig, Lanao del Sur.
Aniya, mas gugustuhin niyang ipaubaya sa mga alkalde ang pagresolba sa kani-kanilang security issues.
Bahagi ng pahayag ni Pangulong Rodrigo Duterte
By Drew Nacino
