Natapos na ang pagsasaayos sa runway ng Tagbilaran Airport makaraang mapinsala ito dahil sa naranasang patuloy na pag-ulan.
Ayon sa Civil Aviation Authority of the Philippines o CAAP, nakumpleto na ang isinagawang preventive maintenance, repair at patching works sa Tagbilaran Airport runway na inumpisahan noong Huwebes ng gabi.
Matatandaang dahil sa tuloy-tuloy na pag-ulan, nagkaroon ng lubak at crack ang runway ng paliparan dahilan upang magpalabas ng notice to airmen ang CAAP at abisuhan ang mga piloto hinggil sa pagsasaayos nito.
Ang Tagbilaran Airport ay nakatakda naman nang palitan ng Bohol-Panglao International Airport sa Panglao sa sandaling matapos ang konstruksyon nito sa Agosto ng taong kasalukuyan.
—-