Nais ni Senador Risa Hontiveros na paimbestigahan ang pagpatay sa isa sa “Doctor to the Barrios” sa Cotabato City.
Kasunod ito ng pamamaslang kay Dr. Sajid “Jaja” Sinolinding, isang Opthalmologist at nakababatang kapatid ni Dr. Kadil Sinolinding Jr., Regional Health Secretary sa ARMM.
Binigyang diin ni Hontiveros na kaunti na lamang ang volunteer doctors sa bansa at nakalulungkot isipin na pinapaslang ang mga ito.
Idinagdag pa ng senador noong nakaraang taon, 320 lamang mula sa 946 na slots ang napunan para sa DTTB o Doctors to the Barrios Program ng Department of Health (DOH).
By Meann Tanbio