Papalitan na ng Department of Tourism o DOT ang Tourism Slogan ng bansa na “It’s More Fun in the Philippines.”
Ayon kay Tourism Media Director Ina Zara – Loyola, kanilang ibabase sa kampaniya ng Pangulong Rodrigo Duterte na pagbabago ang magiging bagong slogan ng bansa.
Ginawa ng DOT ang pahayag bunsod na rin ng pangamba ng ilang Tourism stakeholders sa Cebu City sa hakbangin ni Tourism Secretary Wanda Teo na palitan na ang slogan ng bansa.
Una rito, umapela si Cebu Association of Tour Operators President Edilberto Mendoza Jr. na ikunsidera ang kanyang desisyon dahil mahihirapan ang Pilipinas na magpasok ng bagong slogan sa international market.
Gayunman, tiniyak ni Loyola na kokonsultahin ng kagawaran ang lahat ng stakeholders bago ipatupad ang bagong slogan.
By Jaymark Dagala
