Tiniyak ng Malacañang na hindi titigil ang Pangulong Rodrigo Duterte sa paglilibot nito sa mga kampo militar sa buong bansa.
Sa harap na rin ito ng bantang paglilikida o pagpapatumba sa Pangulo ng mga sindikato ng iligal na droga sa bansa.
Ayon kay Presidential Spokesman Ernesto Abella, bagama’t concerned ang Pangulo hindi naman aniya ito nababahala sa mga nasabing banta.
Magugunitang kinumpirma ng Pambansang Pulisya ang assasination plot laban sa Pangulo matapos isapubliko ang mga nakumpiskang baril na gagamitin umano sa pagpatay sa Punong Ehekutibo.
By Jaymark Dagala | Aileen Taliping (Patrol 23)
