Tila nabubuo na ang paniniwala ni Davao City Mayor Sarah Duterte – Carpio na may kinahuhumalingan si Senador Antonio Trillanes na siyang dahilan umano ng pagiging obsessed nito kay Pangulong Rodrigo Duterte.
Ito ang reaksyon ni Mayor Inday Sarah Duterte-Carpio makaraang ihain na ni Trillanes ang resolusyong humihiling na siyasatin ang mga umano’y tagong yaman ng mag-amang Duterte.
Giit ng alkalde, nakalulungkot aniyang pilit na binubuhay ng Senador ang usapin na minsan nang napatunayang haka-haka lamang at hindi rin maaaring tumayo ang kaso sa korte dahil wala naman itong matibay na batayan.
Mahilig din aniyang magbida si Trillanes ng kaniyang mga testigo sa Senado gayung hindi naman nito kayang maiharap o maipalutang ang kaniyang source na si Joseph De Mesa batay sa kaniyang affidavit.
Posted by: Robert Eugenio