Tinatayang anim na kilo ng iligal na droga ang nasabat ng Cebu City Police Office sa kasagsagan ng pagdiriwang ng pasko, kahapon.
Nakumpiska mula sa suspek na kinilalang si Bejie Bacalla ang nasa apatnapung milyong pisong halaga ng shabu sa isang buy bust operation sa Barangay Basak San Nicolas.
Narekober din kay Bacalla ang marked money na P100,000 at traveling bag na naglalaman ng anim na kilong shabu.
Nahaharap naman ang suspek sa kasong paglabag Republic Act 9165 o Dangerous Drugs Act of 2002.