Muli na namang nakaranas ng aberya ang mga pasahero ng Metro Rail Transit o MRT kaninang umaga.
Ayon sa MRT, alas-5:22 ng umaga nang pababain ang mga pasahero sa Boni Station Southbound.
Ito ay dahil sa umano’y naranasang technical problem ng tren.
Dahil dito, napilitang maghintay ng kasunod na tren ang mga pinababang pasahero.
Matatandaang kahapon ay dalawang beses namang nagkaaberya ang biyahe ng MRT.
—-
