Isinailalim na sa freeze order ng United Nations Security Council ang barko ng North Korea na pinigil ng Philippine Coast Guard (PCG) sa Subic.
Ipinabatid ni Lt. Commander Jonathan Marfil, Station Commander ng Coast Guard Subic na maayos namang tinanggap ng kapitan ng North Korean vessel ang isinilbing resolusyon ng UNSC.
Nakasaad sa resolusyon na inaatasan ang lahat ng miyembro ng United Nations na pigilin sa kanilang teritoryo ang pondo, assets at economic resources na maaaring magamit sa weapons program ng NoKor.
Magugunitang dumaong ang MV Jin Teng sa Subic noong nakalipas na linggo para magbaba ng palm kernels.
By Judith Larino