Tumindi pa ang nararanasang El Niño sa bansa.
Ipinabatid ito ng Philippine Atmospheric Geophysical and Astronomical Services Administration (PAGASA) na nagsabi ring 90 porsyento na mararanasan ang matinding El Niño hanggang sa unang bahagi ng 2016 at 70 porsyento naman na tatagal ito hanggang Hunyo o Hulyo ng susunod na taon.
Sinabi pa ng PAGASA na makakaranas din ang bansa ng mas mababang buhos ng ulan mula sa buwang ito hanggang sa Pebrero at kung saan ilang lugar ang makakaranas ng 40 porsyento ng normal rainfall.
Batay pa sa pagtaya ng PAGASA, sa February 2016 ay 65 mula sa 81 lalawigan ang makakaranas nang tagtuyot.
By Judith Larino
