Iginiit ni Albay Rep. Edcel Lagman na hindi karapat dapat na isailalim sa Witness Protection Program si Pork Barrel Scam Queen Janet Lim Napoles.
Ayon kay Lagman, isang insulto sa sistema ng hustisya kapag pinalaya bilang pangunahing akusado si Napoles para lamang maging state witness.
Sinabi ng kongresista na sa halip na bigyan ng proteksyon ang itinuturing na mastermind ng naturang multi bilyong pisong scam ay dapat itong usigin.
Dapat din umanong ipursige ng gobyerno ang kasong kriminal laban kay Napoles.
