Naniniwala ang isa sa mga opisyal ng Liberal Party (LP) na hindi na “credible witness” si dating PNP-Special Action Force Director Getulio Napeñas sa panibagong imbestigasyon ng Senado sa Mamasapano incident.
Ito, ayon kay LP Vice Chairman for Political Affairs at Caloocan City Rep. Edgar Erice, ay dahil sa kaugnayan ni Napeñas kay Vice President Jejomar Binay.
Wala naman din anyang bagong impormasyon na ibibigay ang dating SAF Chief at kung mayroon man ay wala itong malaking epekto sa imbestigasyon.
Inihayag ni Erice na hindi naman nababahala ang Liberal sa panibagong testimonya ni Napeñas na maituturing na “polluted source” dahil sa pagiging senatorial candidate nito sa 2016 elections.
By Drew Nacino