Kinoronahan bilang Miss World-Philippines 2018 si Katarina Rodriguez sa Mall of Asia Arena, sa Pasay City.
Ang 26-anyos na model ang magiging pambato ng Pilipinas sa Miss World 2018 pageant sa China.
Sa question and answer portion, tinanong si Rodriguez kung paano niya babaguhin ang opinyon ng publiko na tinitingnan ang mga beauty pageant bilang isang uri ng exploitation o pagsasamantala sa kababaihan.
Aminado si Katarina na nabago ang pagtingin niya sa mga beauty pageant na ang tunay na diwa ay woman empowerment.
Samantala, tinanghal naman bilang Second Princess si candidate 11 Pearl Hung, First Princess si candidate 39 Chanel Morales, Miss Multinational Philippines 2018 si candidate 35 Kim-Lei Mugford habang Reina Hispanoamericana Filipinas 2018 si candidate 33 Alyssa Muhlach Alvarez.
—-
