Nabawasan ang bilang ng mga turistang Chinese na dumarating sa bansa.
Ito, ayon kay Tourism Undersecretary Benito Bengzon, Jr., ay dahil sa banta ng novel coronavirus (nCoV) na kumakalat na sa Wuhan City sa China.
Ipinabatid ni Bengzon na tuloy naman ang pagdating ng iba pang foreign tourist sa bansa.
Una nang inihayag ng Department of Tourism (DOT) na lumalabas sa kanilang record na nasa 1.4-milyong Chinese nationals ang bumisita sa Pilipinas sa unang 10 buwan ng 2019.
