Nagsagawa ng dry run ang otoridad sa isla ng Boracay, sa Aklan isang araw bago temporary shutdown para sa anim na buwang rehabilitasyon.
Tinatayang 600 pulis ang nag-patrol sa mga entry point sa isla at inabisuhan ang mga residenteng magpresenta ng identification cards sa Caticlan Port na nasa mainland Panay.
Isang pagsasanay din ang isinagawa bilang paghahanda sa posibleng sagupaan ng mga pulis at demonstrador, terrorist attack o isang hostage incident kahit pa walang anumang banta.
Ayon kay Metro Boracay Police Task Force-Site Task Group Commander, Senior Supt. jesus Cambay, bagaman maximum security ang kanilang ipinatutupad sa isla, handa naman silang magbawas ng tauhan kung kailangan.
Bukod anya sa isla, nagdeploy din anya ng mga pulis sa Caticlan.